انا اسمي عبادة (Obada)

انا اسمي عبادي من سوريا

للاستماع للتسجيل الصوتي الضغط على الرابط للاستماع للحديث

انا عبادة من سوريا

كنت عم بقطع الشارع وكان في حاجز للنظام وضرب علي قناص انا كنت هناك طبعا في المشافي الميدانية

بعد المشفى الميداني ما كان في قدرات طبية حتى يشرفوا على هيك حالات ففورا حولوني على الاردن هلا ما كان في مخاوف لان انا كنت افكر ان بس شغلة عملية وارجع ما كنت اعرف وضعي الصحي شو هو بس ان اجي اشيل الطلقة وارجع لسوريا فلما وصلت لهون بعد ما فتت المشفى لحتى حكالي الدكتور يعني ان عندك اصابة بالشلل

عندك اصابة في النخاع الشوكي ادت الى شلل بالاطراف السفلية وهون يعني كانت المرحلة الجديدة في الاردن هلا في بداية الاصابة قلتلك كنت فايت في حالة نفسية دائما كان تفكيري دائما الوحيد بدور حول محور واحد الي هو المشي كيف كنت بدي ارجع امشي كنت اتضايق دائما ان بدي مين يخدمني حولي وبدي مين يضل جنبي بس هلا لما بعد ما قطعت مرحلة اعادة التأهيل وصار عندي استقلالية نفسيتي من جوى تغيرت

وهلا صرت خلص فيني اكمل حياتي خلص انا مشيت او ما مشيت صار عندي اهداف ثاني على اساسة انا ماشي هلا الانشطة الحالية بقوم فيها دعم الاشخاص ذوي الاعاقة ومحاولة تحفيزم وحتى ادمجهم في المجتمع ونشاط رياضية هلا الاشخاص بس يجوا عالنشاط الرياضي اول شغلة بلتقوا باشخاص عندهم نفس الاصابة او نفس الاعاقة فببلشوا هم اول شيء ببلشوا يتبادلوا الخبرات ويتبادلوا التجارب ثاني شيء الشخص من خلال الرياضة بكتشف قدراته الحقيقية تمام

هلا من الانشطة الي اشتغلنا عليها نحنا هو تحسين امكانية وصوله في للبيئة المحيطة انا والاشخاص انا ساكن مع اشخاص ذوي الاعاقة في نفس البيت طبيعة الحال احنا بنطلع ومنفوت كثير فاستهدفنا محل ومسجد لتحسين امكانية الوصول والتهيئة البيئية وحكينا معهم احنا جيناهم من باب ان هي القضية مش بس النا كاشخاص ذوي الاعاقة و هي ليسة قضية فرد وانما هي للمجتمع كافة يعني حتى للكبار في السن وحتى للمرأة الي معها اربعة اطفال بيبي

وتحت شعار دائما شعارنا ما هو جيد لنا هو جيد للجميع هلا بالنسبة لبلدي انا بطمح دائما بان ارفع سوية الوعي للمجتمع السوري لان التطور المجتمع دائما مرتبط بالوعي كلما ارتفع الوعي كلما زاد التطور في المجتمع لنوصل في النهاية لبلد شامل للجميع يشمل الاشخاص من ذوي الاعاقة ان يكون اشخاص ذوي الاعاقة الهم دور في المجتمع دور فعال في جميع مجالات الحياة يعني

 

More Stories